Горјан
Петревски е најчитаниот автор за деца и тинејџери, со унифицирана библиотека во
"Детска радост“ - "Романи од Горјан Петревски“. Тој е писател со ретка дарба чии книги,
романи и раскази привлекуваат големо внимание на читателите и побудуваат голем интерес. Најчесто
тое е поради неговата непосредност, лирските нијанси во делата како и поради чувствата што се
раѓаат кај младите, првата љубов, возбудата. Овој писател, во повеќе наврати, е
прогласуван за најчитан во нашите училишни и градски библиотеки, со бројни
награди за своето творештво. Досега објавил триесетина наслова, раскази и
романи за деца и тинејџери од кои некои доживеале и по 14 изданија.
На
19 декември 2012 година, четврток учениците од ОУ “Димитар Миладинов” оддржаа
литературно читање и книжевна средба со писателот Горјан Петревски. Авторот го
промовирање и неговото најново дело - романот раскази “Среќа
за секого”, што неодамна е објавен во издание на “Детска радост”. Нашиот гостин со задоволство прифати да
одговори на нашите прашања во врска со досегашната негова писателска активност
и плановите за во иднина. Учениците несрамежливо започнаа да му поставуваат
прашања за неговите најпознати романи, за ликовите во нив, за неговата литературна
активност и за неговите идни проекти. Во сосема непосреден и отворен разговор
писателот Горјан Петревски одговараше на нашите прашања и им даваше совети на
младите литерати од нашето училиште.
Искажуваме огромна благодарност до сите чинители,
учесници, гости и присутни. Благодариме
за присуството и воедно Ве покануваме за следните литературни и книжевни
дружења во нашето училиште.
Филип Поповски и Марија Лазаровска
Нема коментара:
Постави коментар