Реновирана училница по руски јазик за изучување на рускиот јазик од најрана возраст во ООУ "Димитар Миладинов" Општина Центар Скопје

Во ООУ “Димитар Миладинов” од Општина Центар,Скопје, на 07.02.2013 година ќе се одржи свечено отворање на реновираната училница по руски јазик за изучување на рускиот јазик од најрана возраст.

Училиштето се гордее со тоа што е единствено Основно училиште во градот Скопје кое го изучува рускиот јазик, застапен  во сите години на основното образование.  Рускиот јазик се изучува како втор странски јазик од VI – IX одделение, но со Проектот - Изучување на рускиот јазик од најрана возраст го изучуваат по избор и најмалите од I-V одделение. Токму за нив е наменета оваа нова реновирана училница, која се наоѓа на приземјето  од училиштето.

Најзаслужни за оспособување на оваа училница е Амбасадата на Руската Федерација  со финансиска помош на нафтената компанија ЛУКОИЛ, во соработка со Општина Центар и раководството од нашето училиште. Координатор на овој проект е Демчик Елена  во соработка со сите наставници од училиштето и со голема љубов од најмалите ученици. На свеченото отворање се очекуваат Амбасадорот на Руската Федерација – Олег Шербак, Аташето за култура- Валентин Огнев, Директорот на ЛУКОИЛ- Андреј Кука, Градоначалникот на Општина Центар - Владимир Тодоровиќ и други одговорни лица. Сите нив ќе ги поздрави директорката на нашето училиште Маја Ангелова и ќе им додели признанија за нивниот ангажман во реновирањето на училницата и донирањето на опрема за успешно одвивање на наставата по руски јазик. Целата оваа свеченост ќе биде збогатена и со мала приредба од страна на учениците кои го изучуваат рускиот јазик.

07.02.2013

Заштита од струен удар

Во декември 2012 и јануари 2013 год., учениците Елизабета Бошнаковска, Матеј Голубовиќ, Никола Костов и Трајче Јакимовски одржаa повеќе предавања за своите соученици на тема "Заштита од струен удар"

ИЗВАДОК ОД ПРЕДАВАЊЕТО:
"Струјата кога тече низ човечкото тело , убива. Таа тече од точка на повисок потенцијал кон точка со понизок потенцијал. Ако со едната  рака допрете проводник под напон, а со другата рака или со дел од телото допрете до точка со понизок потенцијал низ телото ќе ви протече струја.

Ако струјата е околу 1 милиампер, ќе почуствувате само мало пецкање, струја од 5 - 10 милиампери растревожува, а пак наизменична струја која е еднаква или поголема од 50 милиампери (0,05 ампери) се смета за смртоносна. Бидејќи напонот кој доаѓа од штекер е фиксен и не се менува многу, струјата која ќе протече низ човековото тело при затворање на струјниот круг  зависи само од отпорот (според Омовиот закон за мрежен напон од 230 волти, “смртоносно низок“ отпор е еднаков или помал од:
R=U/I  односно, R=230/0,05=4600 оми
Значи ако отпорот на телото помеѓу двете точки на контакт низ кој поминува струјата, е еднаков или помал од 4600 оми, струјниот удар има голема можност  да биде смртоносен, особено ако двете точки на контакт се двете раце, т.е. струјата поминува од едната рака во другата низ градите и срцето.

Што  всушност се случува?
Наизменична струја која е еднаква или поголема од 50 mА може да го доведе срцето во состојба наречена вентрикуларна фибрилација. Ова е состојба во која срцето не чука рамномерно и потполно и притоа крвта не циркулира низ телото и мозокот. Ако веднаш не се пристапи кон помош на жртвата на струјниот удар, смрта настапува за неколку минути. Кај многу силен струен удар може да настане до целосен прекин на работата  на срцето како и прекин на дишењето.
Еднонасочната струја е малку побезбедна во тој аспект, зошто треба многу поголема струја да протече за да настане вентрикуларна фибрилација. Исто секој струен удар носи и други можности за повреда, изгореници, скршеници од пад доколку жртвата е на високо, на бандера, на скала и сл.

Како да се помогне на некој што е жртва од струен удар?
Прво, исклучете ја струјата, ако не можете да ја исклучите, отрнете ја жртвата од изворот на струјниот удар, со некој предмет кој е изолатор на пр. суво дрво-штица, пластика и сл.
Не допирајте ја жртвата со голи раце додека струјата е вклучена или жртвата е сеуште во контакт со изворот на струјниот удар затоа што и вие може да настрадате.
По ова дејство, проверете дали жртвата има пулс и дишење ако има и жртвата е во свесна состојба, најверојатно се е во ред.
Ако нема пулс и/или дишење и жртвата не е во свесна состојба, веднаш треба да се викне брза помош.
Доколку ги знаете постапките за прва помош кај настрадан од струен удар, како што се масажа на срцето и вештачко дишење, веднаш започнете.
Ако струјниот удар настанал како резултат на гром, важат истите правила за помош, со тоа што безбедно е да се допре жртвата веднаш, односно не постои ризик на струен удар за оној кој ја пружа помошта.

 
Неколку основни правила за заштита од струен удар:

Рацете секогаш нека ви бидат суви.

Никогаш не работете кога струјата е вклучена. Ова особено важи за 230 волти.

Ако некогаш мора да работите “под напон“, користете квалитетен, изолиран алат предвиден за таква работа. Исто со едната рака држете го алатот, додека другата ставете ја во џеб или зад грб. Со ваквиот начин на работа ќе избегнете ситуација на струен удар во кој струјата ќе протече од едната рака во другата и низ градите и срцето. Со ова и да доживеете струен удар нема да добиете вентрикуларна фибрилација. Исто така носете суви и добро изолирани чевли со гумен ѓон.

Бидете особено внимателни со уреди кои не користат трансформатор.

Внимавајте при работа со акумулатори, при краток спој задолжително доаѓа до изгореници и пожар, затоа што  акумулаторите даваат огромни количества на струја која брзо може да ги загрее проводниците до точка на топење.

Ова е основно и најважно правило од сите, "бидете внимателни."

Слушателите имале можност да се запознаат како да се однесуваат со електричните уреди, како во кујната, како во бањата, како во природата - кога се готви невреме. Предавачите беа премногу креативни. Со своите претстави предизвикале големо внимание, а измамиле и понекоја насмевка.

Реконструкција на електричната инсталација во ООУ “Димитар Миладинов” Општина Центар Скопје

Летниот период  е вистинско време за реновирање и реконструкција на училишните згради. Кај нас се случува сега,  во несоодветен период. Веќе два месеци се снаоѓаме за простор, дишеме прашина, се справуваме со алерги, а имаме проблеми и со навремено завршување на училишните обврски, особено оние кои зависат од имање на струја и интернет. Се надевам дека реконструкцијата ќе заврши до 20. јануари и дека ќе стартуваме со второто полугодие без потешкотии.

ноември 2012

јануари 2013

16.01.2013

14.02.2013

22.03.2013

26.04.2013