Прошетка низ Зоолошката градина, Скопје

Зоолошката градина Скопје е формирана во 1926 од страна на тричлена комисија со која раководел д-р Станко Караман. Во истата 1926 година е предложена денешната локација која во тоа време опфаќала 4 ha површина, а Градината располагала со скромен број на животни кои претежно биле добиени како подарок.
Со решение на Градското собрание во 1965 година и со донесувањето на елаборатот во 1966 година за ново урбанистичко решение, Зоолошката градина Скопје го добива денешниот изглед. Денес, градината е лоцирана на површина од 96.894 m² и располага со 503 животни, од кои: 261 птица од 36 вида, 230 цицачи од 42 вида и 16 влекачи од 8 вида. Основни дејности на градината се: културна, образовна и научна, а нејзина основна цел е да ги чува, одгледува и презентира живите експонати и истите да ги направи достапни за пошироката јавност.

„Скопје градот на цвеќето - Скопје градот на розата“

Денот на пролетта - 21 Март

“Бели рози за Денот на пролетта”

Целта на кампањата  “Бели рози за Денот на пролетта” , е Скопје да се направи град на белите рози. Кампањата е поттикната и од резултати од студијата „Присуство на олово и други тешки метали во животната средина во градот Скопје“, реализирана во 2 фази во 2002 година на територија на град Скопје. Предмет на испитување се почви, рози и треви на иглолисни растенија, листопадни растенија со покрупни листови и листопадни растенија со поситни листови.
Во заклучоците од студијата се препорачува користење фиторемедиација, метод на користење одредени видови растенија кои имаат способност да ги задржат и акумулираат штетните елементи (тешки метали) од водата, воздухот и почвата. Розите се повеќегодишно украсно растение, кои апсорбираат големи количества олово и кадмиум во себе. Овие тешки метали се исклучително штетни за здравјето на луѓето.

Учениците од ООУ "Димитар Миладинов" Општина Центар Скопје, денес засадија осум борови дрвца, го исчистија училиштето и училишниот двор, организираа продажна изложба, а од спечаленото ќе купат расад од бели рози и идната седмица ќе ги засадат во училишниот двор.

Денови на пролетта, денови на екологијата

ПРЕЧЕК НА ПРОЛЕТТА

На северната полутопка на Земјата денес (20.03.2013)  во 12 часот и две минути календарски започна пролетта. Истовремено на јужната хемисфера настапи есента. Пролетта ќе трае 92 дена, односно до 21 јуни до 7 часот и 4 минути кога ќе почне летото.