When stress becomes anger: Supporting students' emotional regulation

 

Кога стресот преминува во лутина: поддршка на емоционалната регулација кај учениците

When stress becomes anger: Supporting students' emotional regulation

Ова е практичен онлајн курс наменет за наставници и други образовни работници, кој се занимава со една многу актуелна појава во училиштата – емоционалните реакции на учениците предизвикани од стрес, анксиозност, страв и чувство на несигурност.

1. За што станува збор?

Курсот тргнува од сознанието дека зад несоодветното однесување на ученикот не мора секогаш да стои непослушност или недисциплина.

Понекогаш стресот и анксиозноста се манифестираат преку:

- Лутина и ненадејни емоционални испади.

- Одбивање да се извршат училишните задачи.

- Повлекување и молчење.

- Пасивен отпор кон наставникот.

- Преголем страв од грешки.

- Перфекционизам и постојана потреба сè да биде совршено.

- Фрустрација и тешкотии во комуникацијата со врсниците.

Основната порака е дека наставникот треба да научи да го препознава она што се крие зад однесувањето, наместо да реагира само на неговата надворешна манифестација.

2. Што ќе научат наставниците?

Курсот нуди конкретни стратегии за секојдневната наставна практика.

Препознавање на емоционалните предупредувачки знаци

Како да се забележат раните знаци на вознемиреност, страв, напнатост и лутина, дури и кога ученикот не ги искажува директно.

Саморегулација на наставникот

Пред да му помогне на ученикот да ги регулира сопствените емоции, наставникот треба да научи да ги препознава и контролира своите реакции. Смирениот наставник може да придонесе за посигурна атмосфера во училницата.

Ко-регулација (заедничка емоционална регулација)

Како преку смирен глас, внимателно слушање, соодветен пристап и невербална комуникација да му помогнеме на ученикот постепено да ја врати емоционалната рамнотежа.

Превенција и смирување на конфликтни ситуации

Како да се спречи ескалација на емоционалните реакции и како наставникот да постапи кога ученикот е под силен стрес.

Обнова на довербата по конфликт

Како по тешка ситуација да се воспостави повторна комуникација, да се обнови чувството на сигурност и да се зајакне односот меѓу наставникот и ученикот.

3. Што е особено интересно во овој курс?

Еден од интересните делови е примената на генеративната вештачка интелигенција како партнер во размислувањето.

Наставниците ќе можат да разгледуваат сложени ситуации од училницата, да анализираат различни можни реакции и да ги преиспитуваат сопствените пристапи.

Предвидено е и осмислување мал практичен експеримент во училницата (classroom micro-experiment), со кој наставникот ќе испроба одредена стратегија и ќе ги следи резултатите.

5. Зошто е важен за македонските училишта?

Овој курс отвора прашање за кое сè повеќе треба да се разговара во нашето образование: дали секогаш го разбираме однесувањето на учениците или само се обидуваме да го контролираме или игнорираме?

Во училишната практика, наставниците често се соочуваат со ученици кои одбиваат да работат, реагираат бурно, се повлекуваат или покажуваат отпор. Ако веднаш ги означиме како недисциплинирани, немотивирани или проблематични, можеме да ја пропуштиме вистинската причина за нивното однесување.

Тоа не значи дека треба да се оправдува секое несоодветно однесување. Напротив, потребно е истовремено да се поставуваат јасни граници и да се покаже разбирање за емоционалните потреби на ученикот.

Наставникот не треба да биде психолог, но треба да знае да препознае кога ученикот има потреба од дополнителна поддршка и кога е потребно вклучување на стручната служба дококу постои и е активна во уилитето..

Заклучок

Овој курс нè потсетува дека образованието не е само пренесување знаења, проверување и оценување. Тоа подразбира и разбирање на учениците, препознавање на нивните потреби и создавање безбедна средина за учење.

Понекогаш зад лутината се крие страв, зад молчењето - несигурност, а зад одбивањето да се работи - страв од неуспех.

Затоа, пред да го прашаме ученикот зошто не соработува, вреди да се запрашаме дали сме ја препознале причината поради која му е тешко да соработува.

Мој впечаток:

Ова е особено корисен курс за наставници од сите наставни предмети, бидејќи емоционалните предизвици не се ограничени на одредена возраст, предмет или тип училиште. Неговата најголема вредност е во преминот од реактивен кон свесен, смирен и поддржувачки наставнички пристап.